ازي تشتغل فريلانسر ؟

من المشاكل التي تواجه جميع الشباب والبنات في الوطن العربي هي البطالة وعدم وجود دخل مناسب.
.
طيب ايه الحل؟!،،
عموما هناك عدة حلول منها انك تكون مميز في مجال عملك وانك تطور نفسك اكتر حتى تصل إلى الوظيفة المناسبة لك أو الدخل المناسب لك.
ومنها انك تفتح مشروع خاص بيك او شركة
ومنها انك تشتغل في العمل الحر " freelancer "
.
موضوعنا اليوم هيكون عن العمل الحر، وده هيكون عبارة عن سلسلة مقالات وفيديوهات عملية متتالية.
.
قبل ما نبدأ لازم نعرف من هو الفري لانسر؟.
- هو موظف حر مستقل يبيع المهارة اللي عنده لأصحاب المشاريع، بدون ما يكون فيه عقد بينهم طويل الأمد بالسنوات زي العمل التقليدي.
.
فكرة العمل الحر هو ات يكون عندك مهارة معينة سواء كانت مهارة تقنية زي انك مبرمج او مصمم مواقع او انك بتعرف تكتب على الوورد كويس او انك بتصمم برامج موبايل او حتى بتعرف تستخدم برنامج فوتوشوب او بتعرف تترجم لغة معينة.
.
وممكن يكون عندك مهارة غير تقنية او صنعة او حرفة زي مثلا انت سباك او نجار او بتعرفي في الموضة او بتصممي فساتين او رسام وغيره من المهارات الغير تقنية.
.
اتفقنا انك معك مهارة ما، ف حضرتك بتعرض مهاراتك بطريقة معينة سواء كانت على مواقع الفري لانسر زي Upwork وغيره أو بتعرضها بطريقة تانيه.
هنتكلم على طرق العرض بالتفصيل..
.
بعد ما بتعرض مهاراتك ويتم التواصل مع العميل بتبدأ المناقشات والتسليمات واستلام النقود..
.
دي تعتبر فكرة عامة عن العمل الحر،،
.
في المنشورات القادمة هنتكلم عن 

• - كل تفاصيل العمل الحر من مميزات وعيوب.
• - هنتكلم عن كيفية الاعتماد كليا على العمل الحر.
• - الاعمال والمهارات اللي ينفع تشتغل بيها كعمل حر.
• - هنتكلم عن ازاي تسوق لنفسك وتعمل براند لنفسك.
• - هنتكلم عن أهم المواقع الخاصة بالعمل الحر وكيفية التعامل مع العميل.
• - هنعرفك ازاي تستلم النقود وازاي تعمل حساب في بنك امريكي تقبض من خلالة فلوسك مجانا.
• - هنتكلم عن المشاكل اللي ممكن تقابلك وانت شغال.
• - هنتكلم عن نماذج من الفري لانسر الناجحين وهتعرف ازاي هم نجحوا والخطوات اللي مشوا عليها.
• - هنشرح بعض المسارات اللي ممكن تكون وظيفة لك في العمل الحر زي الويب والشبكات والبرمجة والتسويق..الخ

.
تابعوا الفيديوهات والمقالات التاليى على اشتغل_فريلانسر
.
هذه السلسة مدعومة من ZOSER