مقال رقم 2 من "اشتغل فريلاسنر"

.
اتكلمنا في المقال السابق عن فكرة عامة عن العمل الحر وعرفنا إلى حد ما أهميته،،
.
هنتكلم اليوم عن مميزات وعيوب العمل الحر..
.
لكن قبل ما نتكلم عن المميزات والعيوب حابب أوضح حاجة وهي بداية من هذا المقال هيكون كلامنا عن المهارات التقنية فقط والمهارات او المجالات الغير تقنية هنأجلها شويه علشان ميحصلش تشتيت للناس.
.
فيه حد سألني وكان عايز يعرف ايه هي المهارات أو المجالات التقنية اللي ممكن يشتغل بيها ك فري لانسرز.
.
تقريبا أغلب المهارات التقنية إن لم يكن كلها ممكن نشتغل بيها ك فري لانسرز، واحنا هنقول بعض المهارات أو المجالات وهي :-
- Design & Multimedia
- Software Development
- Video & Audio
- Customer Service
- Sales & Marketing
- Networking & Information Systems
- Writing & Translation
- Business Consulting
- Legal Services
- Administrative Support
- Engineering Architectureوغيرهم كتير جدا من المجالات اللي ممكن تشتغل بيها ك فري لانسرز.
.
ندخل في موضوعنا وهو مميزات وعيوب العمل الحر.
.
عموما العمل الحر زي أي مجال في العالم له مميزات وله عيوب، واحنا ك فري لانسرز لازم ندرك المميزات والعيوب ولازم ندرك ازاي نتعامل مع المميزات اللي ممكن تكون عيوب في نفس الوقت وازاي نتلاشي العيوب
.
أولا :-
- العمل الحر بيسمح لك انك تكون رئيس نفسك وليك كامل الحرية انك تمشي شغلك زي ما انت عايز..
بمعنى انك انت المسؤل عن كل حاجة زي الحسابات والادارة والتسويق وانت اللي بتختار المشاريع حسب الأنسب ليك، بعكس عمل الشركات اللي بيفرض عليك المشروع اللي انت بتشتغل فيه.
.
دي ميزة من مميزات العمل الحر وممكن نفس الميزة دي تكون عيب للبعض من الفري لانسرز، بالاخص الناس اللي متقدرش تباشر أكتر من عمل في نفس الوقت.
.
ثانيا :-
- الحرية في تحديد عدد ساعات العمل في اليوم وكمان عدد الأيام اللي ممكن تشتغلها في الاسبوع وكمان لك الحرية في تحديد جدول يومك سواء كنت عايز تشتغل بالنهار وفي الليل راحة أو العكس،،
.
والميزة دي بتساعد الناس اللي محتاجه شغل لكن عندها مسؤليات تانيه زي مثلا انت طالب او موظف بالنهار وبالليل تشتغل ك فري لانسرز.
.
ثالثا :- 
- انت بتختار مكان العمل اللي بتحب تشتغل منه سواء كان من البيت أو كوفي شوب أو مكتبة أو أي مكان ترتاح له، وكمان تقدر تلبس اللبس اللي انت عايزه بدون التقيد ب لبس معين.
.
رابعا :-
- الفلوس :D وهي محفز كبير تخليك تبقى فري لانسرز، لان كل الفلوس اللي انت اشتغلت بيها هتكون ليك وحدك حتى الأرباح ومفيش حد أقصى في كم الفلوس اللي هتاخدها من المشاريع..
.
بمعنى انك تقدر تاخد عدد من المشاريع بحسب ما انت تقدر، وكمان الفلوس اللي بتاخدها من المواقع الاجنبية بتكون بعملة اليورو أو الدولار.
.
.
يمكن في البداية يكون فيه عدم في الاستقرار المادي لانك مش بتاخد مرتب شهري ثابت، وكمان مفيش ضامن بوجود مشاريع متوافقه معاك طول الوقت، علشان كده لازم تركز في انك تشتغل مشروع ورا مشروع علشان تلاقي الاستقرار المادي،،
.
بجانب انك ممكن الأجر اللي بتاخده في الأول يكون أقل من شغلك الأساسي، لكن بعد ما تكون كونت أسم وسمعة هتقدر تحدد أجرك الحقيقي.
.
الخلاصة :- مميزات مجال العمل الحر من ناحية الحرية في اختيار العمل والمكان وعدد ساعات الشغل والجانب المادي هي أكتر من عيوب المجال، واللي مع الوقت خبرتك في التعامل ك فري لانسر في سوق العمل هتخليك تتخطى العيوب دي.
.
متنسوش تتابعوا الفيديوهات والمقالات التالية على #اشتغل_فريلانسر،،
ولو حد عنده أي استفسار يقدر يرسل رسالة أو يكتب تعليق.
.
هذه المقالات مدعومة من ZOSER